Сэлэнгэ аймгийн Мандал суманд хээрийн түймэр гарч, 4.5 га талбай шатжээ.  Тус сумын Тарни 8 дугаар багийн “Дарьт” гэдэг газарт хээрийн гал түймэр гарсан тухай дуудлагыг гуравдугаар сарын 23-ны өдрийн 16:32 цагт онцгой байдлын байгууллагын алба хаагчид хүлээн авсан байна.

Ингээд аймгийн Онцгой байдлын газрын Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчид 15 км замыг туулан очиж 45 минут ажиллаж 18:00 цагт цурамд оруулан мөн өдрийн 18:30 цагт бүрэн унтраажээ. Түймэрт нийт хээрийн 4.5 га талбай өртөж шатсан байна.