Засгийн газрын ээлжит хуралдаан өнөөдөр 8.00 цагт эхэлж, 20 гаруй асуудал хэлэлцэж байна. Хурлаар коронавируст халдварын нөхцөл байдал, Монгол Улсын хилийн боомтын үйл ажиллагааг сайжруулж, экспорт, импортын барааны ачаа тээврийг эрчимжүүлэх ажлын явц, Төр, хувийн хэвшлийн түншлэлийн тухай хуулийн төслийг хэлэлцэж байна. Мөн Баруун болон зүүн бүсийн хөндлөн чиглэлийн төмөр замын төслийг хэлэлцэх юм. Хуралдаанаас гарсан шийдвэрийг 14.00 цагт танилцуулахаар товлоод байна.