Байшин шатаж, 30 настай эрэгтэй галд өртөж амиа алджээ
/2023.02.08/: Сэлэнгэ аймгийн Ерөө сумын иргэн Б, Ц нарын 1 давхар байшин шатаж байна гэх дуудлага өчигдөр цагдаагийн байгууллагад иржээ.
Дуудлагын дагуу тус сумын Бугант тосгоны Цагдаагийн тасгийн алба хаагчдыг очиход иргэн 7х14 метрийн хэмжээтэй байшин шатаж байсныг 5 цаг 55 минут ажиллан бүрэн унтраасан байна.
Харамсалтай нь тус гал түймэрт иргэн Б 30 настай, эрэгтэй өртөж амиа алдсан тул Сэлэнгэ аймгийн Цагдаагийн газрын мөрдөн байцаах тасгийн мөрдөгчид хүлээлгэн өгсөн байна.
Эх сурвалж: ОБЕГ