Нутгийн мэдээ - Selenge.nutag.mn http://selenge.nutag.mn/ ru Нутгийн мэдээ - Selenge.nutag.mn DataLife Engine Улсын арслан Б.Орхонбаяр нутгийнхаа аваргын нэрэмжит барилдаанд түрүүллээ http://selenge.nutag.mn/index.php?newsid=2672 http://selenge.nutag.mn/index.php?newsid=2672
Сэлэнгэ аймгийн Мандал сумын харьяат, Монгол Улсын аварга Гунаажавын Эрхэмбаярын нэрэмжит улс, аймаг, цэргийн цолтой 128 бөхийн барилдаанд тус аймгийн Цагааннуур сумын харьяат, улсын арслан Б.Орхонбаяр түрүүллээ.
Ховд аймгийн Зэрэг сумын харьяат, улсын заан Б.Бат-Өлзий үзүүрлэв. Харин их шөвөгт дархан аварга Н.Батсуурь, улсын заан Н.Жаргалбаяр нар шалгарав.
Дунд шөвөгт улсын харцага Э.Даш, улсын начин Б.Сосорбарам, аймгийн хурц бадрангуй арслан Э.Мөнхбаатар, аймгийн арслан Х.Наранбаяр нар үлдсэн. 
Нэрэмжит барилдааныг тохилдуулан Г.Эрхэмбаяр аваргад МҮБХ болон аваргууд, Таван-Хан дэвжээний бөхчүүд, үе тэнгийн бөхчүүд, багш, шавь нар, ах дүү, найз нөхөд, нутгийн иргэд зэрэг хүмүүс хүндэтгэл үзүүллээ.
Эх сурвалж: МҮБХ
]]> zulaa Tue, 07 Apr 2026 15:07:48 +0800 Монгол ардын намын дарга Н.Учрал Сэлэнгэ аймгийн намын гишүүдтэй уулзлаа http://selenge.nutag.mn/index.php?newsid=2666 http://selenge.nutag.mn/index.php?newsid=2666
Монгол Ардын намын дарга, УИХ-ын дарга Н.Учрал төвийн бүсэд ажиллах томилолтынхоо эхэнд Засгийн газрын хамгийн анхны байр болох Сэлэнгэ аймгийн Алтанбулаг суман дахь Ардын түр Засгийн байрыг соёлын өвд бүртгэн, музейн чиглэлээр сэргээн засварлаж хадгалж хамгаалах үүргийг холбогдох албаныханд өгсөн. Үүний дараагаар Сэлэнгэ аймгийн намын гишүүд, дэмжигчидтэйгээ уулзсан юм.
Тэртээ 105 жилийн өмнө эх оронч залуусын гал цогтой зүрхнээс бадарсан хувьсгалын дөл Сэлэнгэ нутгаас Монгол орон даяар дүрэлзэн асч, Монголын шинэ түүхийн их эргэлтийг эхлүүлсэн түүхтэй. Монгол Ардын нам байгуулагдсаны 105 жилийн ой, “Эх орончдын өдөр”-ийн арга хэмжээг Сэлэнгийн долгио чуулгын уран бүтээлчид “Шивээ хиагт” дуугаар эхлүүлэв.
105 жилийн түүхтэй Монгол Ардын нам бол түүхэн гавьяатай бодлогын нам. Энэ ч утгаараа гишүүн төвтэй, ард түмнийхээ хүсэл зорилгыг мэдэрсэн шинэ цагийн салхийг авчрах шинэчлэлийн олон ажлыг хийж хэрэгжүүлэхээ намын дарга танилцууллаа. Мөн намынхаа бүх шатны дарга нарыг ард түмэнтэйгээ ойрхон байхыг захисан.
2025 онд ажил үйлсээрээ манлайлсан “Улсын тэргүүний намын анхан шатны байгууллага”-аар Сэлэнгэ аймгийн Орхон сумын намын хороог шалгаруулж, намынхаа төлөө насны залуугаа зориулсан ахмад гишүүддээ хүндэтгэл үзүүллээ. Мөн хамгийн олон жил намын анхан шатны байгууллагын дарга, дэд дарга, үүрийн даргаар ажилласан дарга нарт “Талархал” гардуулсан. Энэ үеэр мөн Монгол Ардын намд шинээр элссэн 23 хүнд намын батлахыг нь гардуулсан юм.
Энэхүү арга хэмжээнд Сэлэнгэ аймгийн Монгол Намын хорооны дарга, УИХ-ын гишүүн Ч.Ундрам, УИХ дахь Монгол Ардын намын бүлгийн дарга Ж.Батжаргал, Монгол Ардын намын Ерөнхий нарийн бичгийн даргын зөвлөх Т.Сайнжаргал, намын Нарийн бичгийн дарга С.Мөнгөнчимэг, Олон нийттэй харилцах, зохион байгуулалттай газрын дарга Ж.Дамдинцэрэн, Мөрийн хөтөлбөрийн хэрэгжилт, мониторингийн газрын дарга Б.Нандин-Эрдэнэ, Орон нутаг, намын хөгжлийн хэлтсийн дарга Б.Галсан нар оролцлоо.

]]> zulaa Fri, 06 Mar 2026 15:00:44 +0800 Увс, Завхан, Сэлэнгэ, Хөвсгөлийн зарим сумдаар цасны зузаан хамгийн их байна http://selenge.nutag.mn/index.php?newsid=2662 http://selenge.nutag.mn/index.php?newsid=2662
Арав хоногт нэг удаа хийдэг хээрийн цасны хэмжилтийн мэдээгээр 2 дугаар сарын 20-ны байдлаар нийт нутгийн 70 хувьд цастай байгаагаас:
Баян-Өлгий (Сагсайн өмнөд, Булган) Увс (Малчин, Хяргас, Зүүнговь, Баруунтуруун, Цагаанхайрхан), Ховд (Үенч, Алтай), Завхан (Цэцэн-Уул, Баянтэс, Нөмрөг, Тэс, Асгат), Говь-Алтай (Тонхил), Хөвсгөл (Цэцэрлэг, Улаан-Уул, Цагааннуур), Сэлэнгэ (Ерөө, Орхонтуул, Орхон, Хушаат, Сайхан, Түшиг, Сант, Хүдэр, Зүүнбүрэн, Сүхбаатар, Жавхлант), Дархан-Уул (Орхон, Дархан)-д 21 см-ээс дээш зузаан, 0.16-0.31 г/см3 нягттай,
Увс (Сагил, Түргэн, Тариалан, Давст, Тэс, Зүүнхангай, Өндөрхангайн хойд), Ховд (Булган), Завхан (Баянхайрхан, Сонгино, Түдэвтэй, Тэлмэн, Тосонцэнгэл, Их-Уул, Алдархаан, Эрдэнэхайрхан, Отгон), Хөвсгөл (Цагаан-Үүр, Алаг-Эрдэнэ, Ренчинлхүмбэ), Булган (Тэшиг, Хутаг-Өндөр, Хангал, Сайхан, Орхон, Бүрэгхангай, Дашинчилэн, Баяннуур), Сэлэнгэ (Алтанбулаг, Цагааннуур, Шаамар, Баруунбүрэн, Баянгол), Дархан-Уул (Шарынгол, Хонгор), Төв (Лүн, Заамар, Угтаалцайдам, Цээл, Жаргалант, Борнуур, Эрдэнэ, Мөнгөнморьт), Өвөрхангай (Сант), Хэнтий (Баян-Адрага), Дорнод (Гурванзагал, Дашбалбар, Халхгол, Чулуунхороот, Цагаан-Овоо, Сэргэлэн, Чойбалсан)-д 11-20 см зузаан, 0.08-0.41 г/см3 нягттай, бусад нутгаар 10 см-ээс бага зузаан, 0.1-0.35 г/см3 нягттай байна (1 дүгээр зураг).
Цасны зузаан хамгийн их байгаа сумдыг дурдвал Увсын Хяргас, Цагаанхайрхан, Завханы Цэцэн-Уул, Баянтэс, Нөмрөг, Хөвсгөлийн Цэцэрлэг, Сэлэнгийн Ерөө, Орхонтуул, Хүдэрт 31-38 см байна. Цасан бүрхүүлийн хэмжээг өмнөх арван хоногтой харьцуулахад 5 хувиар буурсан байна гэж ЦУОШГ-аас мэдээлжээ.
]]> zulaa Tue, 24 Feb 2026 11:36:59 +0800 Сэлэнгэ аймгийн МАН-ын хороо Л.Гантөмөрийн яриаг эсэргүүцэж мэдэгдэл гаргажээ http://selenge.nutag.mn/index.php?newsid=2659 http://selenge.nutag.mn/index.php?newsid=2659
Сэлэнгэ аймгийн МАН-ын хороо мэдэгдэл гаргажээ.

Уг мэдэгдэлд: "Сүүлийн өдрүүдэд Монгол Улсын Их Хурлын гишүүн, Ардчилсан намын дарга асан Л.Гантөмөр нь 2026 оны 02 дугаар сарын 04-ний өдөр Өрөг.mn сайтын "Өрөг" нэвтрүүлэгт оролцох үеэрээ хэлсэн үг, тайлбар олон нийтийн сүлжээгээр түгэн тархаж, Сэлэнгэ аймгийн ард иргэдийн дунд бодит бухимдал, зүй ёсны дургүйцлийг үүсгээд байна. Тодруулбал, уг ярилцлагын үеэр Сэлэнгэ нутгийн иргэдийн газар тариалан эрхлэх чадварыг тэдний "угсаа, цус, хятад өвөг дээдсийн гарал үүсэл"-тэй холбоотой мэтээр тайлбарласан нь бодит байдалд нийцэхгүй, түүхэн болон шинжлэх ухааны ямар ч үндэслэлгүй бөгөөд нэг нутгийн иргэдийн нэр төр, түүхэн бүрэлдэхүүнийг бүхэлд нь гажуудуулан ойлгуулах агуулгатай байлаа.

Сэлэнгэ аймгийн ард иргэд нь хэн нэгэн гадаад угсаатанд хамаарах бус, Монгол Улсын түүхэн хөгжлийн явцад бүрэлдэн тогтсон, Монголын олон ястны нэгдмэл бүрэлдэхүүн, эх орныхоо өнцөг булан бүрээс суурьшсан иргэдээс бүрдсэн нутаг юм.

Сэлэнгэ бол Монголын төр, нийгмийн хөгжлийн тодорхой үе шат бүрд ард иргэдийн нүүдэл, суурьшил, хөдөлмөр, бүтээн байгуулалтаар төлөвшин бий болсон Монголын нэгдмэл нийгмийн бодит тусгал билээ. Ялангуяа социализмын бүтээн байгуулалтын он жилүүдэд Сэлэнгэ аймагт улсын хэмжээнд хамгийн олон газар тариалангийн сангийн аж ахуйнууд шинээр байгуулагдаж, Монгол орны бүхий л аймаг, сумдаас илгээлтийн эзэн мянга мянган залуучууд ирж суурьшин, атар газар эзэмшиж, эх орныхоо талх тариа, хүнсний ногооны дийлэнх хувийг үйлдвэрлэн, Монгол Улсын хүнсний аюулгүй байдлын суурийг тавьж ирсэн түүхтэй. Өнөөгийн Сэлэнгийн газар тариалангийн уламжлал, чадавх, соёл нь аливаа "угсаа, цус"-наас бус, олон үе дамжсан хөдөлмөр, мэдлэг, туршлага, төрийн бодлого, шинжлэх ухаан, практикийн уялдааны үр дүн юм.

Өнөөдөр Сэлэнгэ аймаг Монгол орны газар тариалангийн гол бүс бөгөөд эх орныхоо үр тарианы 50%, хүнсний ногооны 30 орчим %-ийг хангаж байна.

Ийм бодит түүхэн үнэнийг үл харгалзан, нутгийн иргэдийн хөдөлмөр, амжилтыг хятад угсаа гарлын асуудалтай холбон тайлбарлах оролдлого нь нийгмийг ялгаварлан хуваах аюултай, улмаар Монгол Улсын Үндсэн хуулиар баталгаажсан иргэдийн тэгш эрх, үндэсний эв нэгдлийн үнэт зүйлсэд ноцтой харшилж байна. Сэлэнгэ аймгийн Монгол Ардын Намын хороо нь нутгийн ард иргэдийн нэр төр, түүхэн үнэн, хөдөлмөрийн бахархлыг хамгаалах нь улс төрийн байгууллагын ёс зүйн үүрэг гэж үзэн:

Монгол Улсын иргэдийг угсаа, гарал үүслийн асуудлаар ялгаварлан үнэлсэн, шошголсон Монгол Улсын Их Хурлын гишүүн, Ардчилсан намын дарга асан Л.Гантөмөрийн эл үйлдлийг эрс буруушааж байна.

Нийгэмд нөлөө бүхий улс төрийн албан тушаал хашиж байсан, олон нийтэд хандсан байр суурь илэрхийлж буй этгээдүүд үг хэлэхдээ хариуцлагатай, баримтад тулгуурласан, эв нэгдлийг дээдэлсэн хандлага баримтлах ёстойг хатуу сануулж байна. Монгол Улсын хөгжил дэвшил нь иргэдээ угсаа, гарал үүслээр нь ялгах бус, нэгдмэл үнэт зүйл, харилцан хүндэтгэл, шударга хөдөлмөрийг эрхэмлэсэн үзэл санаанд тулгуурлаж ирсэн билээ. Энэхүү суурь зарчмыг аливаа улс төрийн богино хугацааны ашиг сонирхлоос дээгүүр тавих нь төрийн болон улс төрийн байгууллага, улс төрч бүрийн хариуцлага гэж үзэж байна." гэжээ.

сонин mn
]]> zulaa Fri, 06 Feb 2026 13:39:26 +0800 Сэлэнгэ аймгийн Засаг даргыг огцруулжээ http://selenge.nutag.mn/index.php?newsid=2657 http://selenge.nutag.mn/index.php?newsid=2657
Сэлэнгэ аймгийн ИТХ нэгдүгээр сарын 30-нд хуралдаж, Засаг дарга Н.Лхагвадоржид хариуцлага тооцох асуудлыг хэлэлцсэн байна. Улмаар 41 төлөөлөгчийн 40-ийн саналаар түүнийг огцруулах шийдвэр гаргажээ. Тус аймгийн ИТХ-д МАН 21, АН 19, ХҮН нам нэг төлөөлөлтэй юм. Өөрөөр хэлбэл, МАН олонх учраас Засаг даргаа томилуулсан гэсэн үг. 2024 оны сонгуулийн дараа олонхын бүлгээс А.Дашбатын нэрийг дэвшүүлсэн ч танхимаас Н.Лхагвадорж өөрийгөө “сойн” өрсөлдөж, улмаар Ерөнхий сайд Л.Оюун-Эрдэнэ түүнийг дэмжин баталгаажуулж байжээ. Тэрбээр 2021 оны арваннэгдүгээр сараас хойш Сэлэнгэ аймгийн Засаг даргаар томилогдон ажилласан юм. Гэхдээ ИТХ нь яагаад огцруулах болсон шалтгаан тодорхойгүй байна.
Ямартай ч Сэлэнгэ аймгийн ИТХ-ын Засаг даргаа огцруулсан шийдвэрийг одоогийн Засгийн газрын тэргүүн Г.Занданшатар эцэслэнэ.
]]> zulaa Tue, 03 Feb 2026 10:39:09 +0800 ХХААХҮ-н дэд сайд Б.Нямжав Сэлэнгэ аймгийн өвөлжилт хүндэрсэн сумдын нөхцөл байдалтай газар дээр нь танилцав http://selenge.nutag.mn/index.php?newsid=2656 http://selenge.nutag.mn/index.php?newsid=2656 ХХААХҮ-ийн дэд сайд Б.Нямжаваар ахлуулсан ажлын хэсэг Сэлэнгэ аймгийн өвөлжилт хүндэрсэн сумдад нөхцөл байдалтай газар дээр нь танилцаж ажиллалаа.
Энэ жил Сэлэнгэ нутагт цас эрт орж, тал хээрийн бүсэд 21 см-ээс дээш зузаан цасан бүрхүүл тогтсоноор мал бэлчээрлэхэд хүндрэл үүсээд байна.
Гэсэн ч малчид маань нөхцөл байдлыг эрт мэдэрч, өвс тэжээлээ базаах, малаа эдийн засгийн эргэлтэд оруулах, цөөлөх зэрэг оновчтой арга хэмжээнүүдийг цаг алдалгүй авчээ.
Тухайлбал, Сайхан сумын малчин М.Тулга цас эрт орж цаг хүндрэх төлөвтэй болсноор малынхаа 70 гаруй хувийг борлуулж, өвс тэжээлээ нэмэн бэлдэж амжжээ. Үлдсэн малаа тэжээлээр онд оруулахаар бэлчээрт гаргалгүй тэжээж байна.
Мал, махны үнэ боломжийн, малын тарга тэвээргэтэй үед цас орж өвөлжилт хүндрэх дохио эрт өгснөөр хариу арга хэмжээ авах боломж гарсныг хэлэв.
 
]]> zulaa Mon, 02 Feb 2026 12:01:36 +0800 Хонио эргүүлэхээр морьтой гараад сураггүй болсон 56 настай иргэнийг эсэн мэнд олжээ http://selenge.nutag.mn/index.php?newsid=2651 http://selenge.nutag.mn/index.php?newsid=2651
Сэлэнгэ аймгийн Цагааннуур сумын Оргих 1 дүгээр багийн “Жаргалантын ам” гэх газарт 2026 оны 01 дүгээр сарын 07-ны өдөр хонио эргүүлэхээр морьтой гарсан 56 настай, эрэгтэй иргэн сураггүй болсон тухай дуудлага Онцгой байдлын газарт иржээ.
Дуудлагын дагуу Онцгой байдлын газрын Эрэн хайх, аврах анги, Цагдаагийн газар, сумын мэргэжлийн анги, ар гэрийнхэн хамтран нийт 31 хүн, 7 автомашин, 14 морьтойгоор эрэн хайх ажиллагааг зохион байгуулж, 161 км талбайд эрлийн ажиллагаа явуулсан байна.
Эрэн хайх ажиллагааны үр дүнд тухайн иргэнийг  өчигдөр /2026.01.11/-ний өдрийн 12:27 цагт олж, ар гэрийнхэнд нь эсэн мэнд хүлээлгэн өглөө.
Мөн болзошгүй аюул, эрсдэл тохиолдсон үед 3 үгт хаяг буюу what3word-аар дуудлага, мэдээлэл өгөх боломжтой бөгөөд энэхүү программыг өөрийн барьж байгаа гар утаснаасаа хамааран Playstore болон Appstore-оос татаж суулган ашиглахыг зөвлөлөө.
Мэдээлэл, дуудлага өгч байгаа иргэн өөрийн байгаа газрынхаа хаягаа мэдэхгүй, координат өгөх боломжгүй тохиолдолд өөрийн ухаалаг гар утсан дээрээ интернэттэй болон интернэтгүй үед “what3word” программыг ашиглан гурван үгт хаягаа ирүүлснээр дуудлагын байршлыг нарийвчлалтайгаар тогтоож, цаг алдалгүй шуурхай мэдээллийг хүлээн авах боломжийг бүрдүүлдэг байна.
Эх сурвалж: Сэлэнгэ онцгой байдлын газар
  • 1
  • 2
]]> zulaa Mon, 12 Jan 2026 13:54:12 +0800 2025 оны оны "Онцлох хүн"-ээр Улсын арслан Б.Орхонбаяр тодорчээ http://selenge.nutag.mn/index.php?newsid=2636 http://selenge.nutag.mn/index.php?newsid=2636
Сэлэнгэ аймгийн сум, тосгодын нутгийн зөвлөл, "Creative Selenge" залуучуудын клуб, Сэлэнгэ аймгийн Үндэсний бөхийн холбоо зэрэг байгууллага хамтран “Алтан буудай” шинэ жилийн цэнгүүнийг гурав дахь жилдээ зохион байгуулжээ.
Энэхүү арга хэмжээнд Сэлэнгэ аймгийн харьяат хүмүүс оролцох боломжтой аж. Цэнгүүний үеэр "Оны онцлох" хүмүүсийг шалгаруулсан байна. Тухайлбал, Сэлэнгэ аймгийн 2025 оны оны "Онцлох хүн"-ээр Улсын арслан Б.Орхонбаярыг тодруулжээ. Мөн спортын салбарын "Онцлох хүн"-ээр Сэлэнгэ аймгийн Мандал сумын харьяат, Монголын жүдо бөхийн нүүр царай, Монгол Улсын гавьяат тамирчин Л.Энхрийлэн тодорсон байна.
Түүнчлэн Хүмүүнлэгийн салбарын "Онцлох хүн"-ээр Монгол Улсын Аж Үйлдвэрийн Гавьяат ажилтан Ч.Чинбатыг шалгаруулсан байна. Тэрбээр УИХ-ын гишүүн Ч.Ундрамын аав аж. 
Бусад:
  • Оны "Онцлох оюутан" Т.Номинзул
  • Нийгэм, сайн үйлсийн "Онцлох хүн" Б.Саранбаатар
  • Спортын салбарын "Онцлох хүн" К.Ёолк
  • Спортын салбарын "Онцлох хүн" /эмэгтэй/ Л.Энхрийлэн
  • Гадаад, харилцааны салбарын "Онцлох хүн" П.Мягмардорж
  • Хэвлэл мэдээллийн салбарын "Онцлох хүн" Б.Баяртулга
Эх сурвалж: Creative Selenge залуучуудын клуб
]]> zulaa Thu, 25 Dec 2025 16:28:28 +0800 Цагааннуур сум дахь эрэн хайх, аврах салбарын үйл ажиллагааг эхлүүллээ http://selenge.nutag.mn/index.php?newsid=2632 http://selenge.nutag.mn/index.php?newsid=2632 Монгол Улсын Засгийн газрын тогтоолоор Сэлэнгэ аймгийн Цагааннуур суманд байгуулагдсан Эрэн хайх, аврах салбарын барилгыг ашиглалтад оруулж, үйл ажиллагааг албан ёсоор эхлүүллээ.
Тус салбарын нээлтийн арга хэмжээнд Монгол Улсын Шадар сайд Х.Ганхуяг, Соёл, спорт, аялал жуулчлал, залуучуудын сайд Ч.Ундрам, Онцгой байдлын ерөнхий газрын дарга, хошууч генерал Г.Ариунбуян болон аймаг, сумын удирдлагууд, холбогдох албаны төлөөлөгчид оролцсон юм.
Эрэн хайх, аврах салбарын барилгыг улсын төсвийн хөрөнгө оруулалтаар барьсан бөгөөд орчин үеийн стандартад нийцсэн төмөр бетон карказ, төмөр металл фасадтай, 400 гаруй ам.метр талбайтай, том оврын аврах болон тусгай зориулалтын автомашины зогсоолтойгоор барьж ашиглалтад оруулсан байна. 
Сэлэнгэ аймгийн Цагааннуур сум нь Түшиг, Сүхбаатар, Зүүнбүрэн, Хушаат сумд болон Булган аймгийн Сэлэнгэ сумтай хиллэдэг, байгалийн онцлог, газарзүйн байршлын хувьд ойн түймэр, зуд, усны осол зэрэг гамшиг, аюулт үзэгдэл, ослын эрсдэл өндөртэй бүс нутагт оршдог онцлогтой. 
Тэгвэл Эрэн хайх, аврах салбар байгууллагдсанаар тус сумын болон хөрш зэргэлдээ Түшиг, Зүүнбүрэн сумдын 10 мянга гаруй иргэнд гамшгаас хамгаалах төрийн үйлчилгээг түргэн шуурхай, хүртээмжтэй хүргэх боломж бүрдэж байна.
Мөн алба хаагчдын ажиллах орчин, техник хэрэгслийн хадгалалт, бэлэн байдлыг сайжруулж, хил орчмын бүсэд тохиолддог гамшгийн үед үзүүлэх хариу арга хэмжээний чадавхыг бодитоор нэмэгдүүлэх ач холбогдолтой юм.
 
]]> zulaa Tue, 16 Dec 2025 16:58:56 +0800 Шүүгч Ц.Амаргэрэлд огцруулах сахилгын шийтгэл оноожээ http://selenge.nutag.mn/index.php?newsid=2608 http://selenge.nutag.mn/index.php?newsid=2608
Сэлэнгэ аймаг дахь Сум дундын анхан шатны шүүхийн шүүгч Ц.Амаргэрэлд холбогдох гомдлыг Шүүхийн сахилгын хорооны өнгөрсөн долоо хоногийн хуралдаанаар хэлэлцээд огцруулах шийтгэл оноожээ. Түүний эсрэг гомдлыг Э.Ариунтулга гэх иргэн гаргасан аж. Тэрбээр 2022 оны хавар төрсөн ахынхаа аминд хүрсэн хэрэгт холбогдон шалгуулсан нэгэн бөгөөд түүнд тухайн үед нь цагдан хорих таслан сэргийлэх арга хэмжээ авсан юм байна. Энэ үедээ тэрбээр гомдол гаргаж, тас¬лан сэргийлэх арга хэмжээгээ өөрчлүүлэн 50 сая төгрөг барьцаалуулжээ. Ингээд батлан даалтад гарч, мөрдөн шалгах ажиллагааг үргэлжлүүлж байтал дээрх шүүгч дахин 50 сая төгрөг нэмж барьцаалахыг шаардаж, үгүй бол цагдан хорино гэж. Үүний дагуу уг мөнгийг нь барцаалсан бөгөөд шүүх хурал болж Э.Ариун-тулгад 10 жил хорих ял шийтгэсэн байна. Харин Сэлэнгэ аймаг дахь Эрүү, иргэний хэргийн давж заалдах шатны шүүхээс анхан шатны шүүхийн шийтгэх тогтоолыг хүчингүй болгосон аж. Улмаар түүнд холбогдох хэргийг дахин анхан шатны шүүхэд шилжүүлэх үед шүүгч Ц.Амаргэрэл барьцаа авах таслан сэргийлэх арга хэмжээг 400 сая төгрөг болгон нэмж байршуулахыг шаарджээ. Үүнийг нь эсэргүүцсэн Э.Ариунтулга Шүүхийн сахилгын хороонд гомдол гаргасны дагуу шалгалт хийсэн юм байна. Ингээд дээрх огцруулах шийдвэрийг гаргав.
Сэлэнгэ аймаг дахь Сум дундын анхан шатны шүүхийн шүүгч Ц.Амаргэрэлийн хувьд өнгөрсөн аравдугаар сард цалингаа гурван сарын хугацаанд 20 хувь бууруулах шийтгэл хүлээсэн нэгэн. Түүний талаар Тамгын газрын эрх бүхий албан тушаалтан Ж.Төмөрсүх нь гомдол гаргасны дагуу Сахилгын хорооны хурлаар хэлэлцээд уг шийтгэлийг оноосон юм. Үүнээс гадна Сэлэнгэ аймгийн Захиргааны хэргийн анхан шатны шүүхийн шүүгч Л.Одбаатар Ц.Амаргэрэлтэй холбоотой гомдол Шүүхийн сахилгын хороонд гаргаж байсан. Сахилгын шийтгэл оноосон шийдвэрийг эсэргүүцэж, Шүүхийн сахилгын хороо болон Улсын дээд шүүхэд гомдол гаргах эрхтэй учраас тухайн шүүгч өдгөө үргэлжлүүлэн ажлаа хийж буй аж.

https://www.unuudur.mn/a/278822
]]> zulaa Mon, 01 Dec 2025 18:27:12 +0800